Bálddalas duohtavuohta

Performance- og installašuvdnadáiddár Marita Isobel Solberg galgá doaibmat Sámi Dáiddamusea direktevran guokte mánu. Son doaivu ahte visot ii jávkka dušše.  

Solberg oaččui virggi maŋŋágo sierra sámi dáiddamusea prošeakta álggii golggotmánus diibmá. Dáiddár čájehii rabasvuođa váldit badjelasas máŋga doaimma, ja sus lei earret eará performance There is No nammasaš čájáhusa rahpamis. Su mielas lea erenoamáš dehálaš čájehit man mávssolaš sierra sámi dáiddamusea duođai lea, ja ahte dan čalmmustahttin čađahuvvo bastilis dáiddalaš vugiin.

- Mun anán hui árvvus dan ahte ásahus dahká juoidá mii ii leat dábálaš, ahte mii duostat albma láhkai geavahit áibbas vuorddekeahtes fuomášuhttima nu ahte das luottat báhcet, dadjá Solberg.

Joatkašuhttit dan

Son doaivu ahte dat ii loahpa dušše guovtti mánu guhkkosaš performance maŋŋá. Ášši lea ahte sámi dáiddamusea lea digaštallojuvvon sámi birrasiin ollu jagiid. Ollugat leat jurddašan ahte dat ii goassege ollašuva.

- Miellagiddevaš lea oaidnit man guhkes áiggi áššiid áŋgiruššan ádjána, cealká Solberg, ja lasiha:

- Ballamis lea ahte ii giige joatkašuhte musea doaibmama go prošeaktaáigi nohká. Mun doaivvun ahte dat fas ihtá eará báikkiide. Dat orru leamen nu ahte juoga lea fas ealáskahttojuvvon, ja dan ii sáhte dušše loahpahit, dadjá son.

Direktevra nappo lea hárjánan performancestrategiijaide. Son bargá ieš ge performance- og installašuvdnadáiddárin ja su vuolggabáiki lea Romssa gávpot. Dáidaga son váldá mielddis máilbmái, ja son lea bargan earret eará Japánas ja New York gávpogis máŋga áigodaga.

- Dat vuohki mo Sámi Dáiddamusea lea lágiduvvon, soahpá hui bures dasa mo mun ieš jurddašan. Iežan dáidagis mun lávket eará duohtavuhtii, ja nu dahká Davvi-Norgga dáiddamusea ge. Dat maid musea dahká lea duohta dahku, sii eai dušše dahkalutta, dadjá Solberg ja lasihastá:

- Mu ulbmil lea ahte galgá leat bálddalas duohtavuohta, mii lea seamma duohta go mii ge eará duohtavuođaid. Dainna jurdagiin mun vulgen ge mielde prošektii, dadjá son.

Duodji lea váikkuhan

Solberg geavaha ollu iešguđetlágan ávdnasiid ja teknihkaid iežas dáiddabarggus, no go keramihka, fotogovaid, gođđima, jienaid ja filmma. Su dáidagiid dovdomearka lea ahte dain galgá leat dakkár sámi šuokŋavuođđu, mas duodji lea áibbas guovdil.

- Mun lean eret Olmmáivákkis Gáivuonas ja lean šaddan bajás dujiin. Mu eadni gođđá ovdamearkka dihtii ránuid, báidná láiggiid ja goarru, ja mun lean das leamaš mielde unnivuođa rájes, dadjá son.

Direktevra doalai There is No nammasaš čájáhusa rahpansártni sihke sámegillii ja dárogillii. Ieš son ii eisege sámás nu njuovžilit, su ruovttus eai hállan nu ollu sámegiela go son šattai bajás. Sártnis son dattetge duođas duosttai geahččalit.

- Mun bessen gullat oaiviliid ahte sárdni lei measta dego jietnadagus. Muhtun sápmelaččat ledje ádden buot, muhtumat eai maidege. Muhto dat gullá dasa ahte olmmoš duostá geahččalit, dadjá Marita Isobel Solberg.

Dá lea direktevra Alf Salo gova luhtte, namalassii dáiddára gova luhtte gii maid lei eret Gáivuonas ja gean son bures dovddai.