Sámi Dáiddamusea lea hui rámis go sáhttá čájehit I Craft, I Travel Light iežas vuosttamus oanehisáigásaš čájáhussan. Čájáhus čájeha 15 sámi, njenjehca, norgalaš ja ruošša dáiddára dáiddadujiid, guđet vižžet vuoigŋašuvvama davviguovlluid álgoálbmogiin, sin rikkis árbevieruin ja návccain váldit atnui báikkálaš resurssaid. Dáiddárat geavahit ávnnasin beassi, bohccočoarvvi, čuoma ja muora, ja vel ođđasit geavahahtti ávdnasiid ja found objects ge. Čájáhus álggahuvvui Árkáŋggalis golggotmánus, sirdojuvvo Murmánskii guovvamánus ja rahppojuvvo Romssas cuoŋománu 29. beaivvi.

I Craft, I Travel Light fáddáda báikkálaš ja ceavzilis resurssaid árvvu, muhto dan ge ahte eallin ja kultuvra leat álot jođus. Maid váldit mii mieldámet go mii fárret, mat árvvuid ja dovddahemiid sirdojuvvojit boahttevaš bulvii, ovddiduvvojit ja bisuhuvvojit? Digaštahttin guovlluid oamasteami hárrái ja johtti álgoálbmotkultuvrraid gaskavuođa hárrái nationálastáhtaide ja rájáid hárrái gullet maid oassin dán govvii, mas fysalaš, politihkalaš ja ekonomalaš eavttut leat mielde mearrideamen guđemuš kultuvrrain lea boahtteáigi.

Čájáhus lea ovttasbargu Davvi-Norgga giehtaduojárat (Norske Kunsthåndverkere Nord-Norge) nammasaš organisašuvnnain.

ČÁJÁHUSPLÁNA

Árkáŋggala Dáiddamusea: golggománu 16. beaivvis – skábmamánu 20. beaivái 2016
Murmánskka Regionála Dáiddamusea: guovvamánu 17. beaivvis – njukčamánu 19. beaivái 2017
Sámi Dáiddamusea, Romsa: cuoŋománu 29. beaivvis – golggotmánu 8. beaivái 2017
Sámi Dáiddaguovddáš, Kárášjohka jagi 2018 dálvvi